For grupper skreddarsyr vi pakkar med ulike aktivitetar som fremjar samarbeid og lagbygging. Området rundt raftingsenteret er perfekt for ulike aktivitetar, og vi gjennomfører program både her og i villmarksleiren.

Gruppa vert delt i mindre lag som konkurrerer mot kvarandre i aktivitetar som øksekasting, luftpistolskyting, katapultbygging, blindebukk, vikingspelet "kubb", teoretisk problemløysing med meir. Dersom ein har arrangementet i villmarksleiren, kan sjølvsagt hinderløypa vere ein av aktivitetane. Vi skreddarsyr pakken ut frå gruppa sine ønskje og kor lang tid ein har til disposisjon.

I tilknyting til desse aktivitetane tilbyr vi også lunsj eller grillmiddag. Vi kan også formidle hotell og konferansefasilitetar samt andre aktivitetar som ein del av våre pakkar. Trykk på biletet over for fleir samarbeidstreningbilete!

Den fantastiske og heilt spesielle leiren er plassert mellom digre kampesteinar like ved Strandaelva og er arrangert rundt ei naturleg steingrotte. Her har vi fleire same-lavvoar, eit stort vikingbord under tak, fleire bålplassar og utedoar. Reinsdyrskinn og parafinlamper er med på å gje leiren den rette atmosfæren og råma rundt eit vellykka opphald.

Hinderløypa i leiren består av 9 ulike utfordringar 10 meter over bakkenivå. Her er ulike balanse- og klatrehinder og ei 70m lang Flying Fox (taubane). Vi kan også tilby andre aktivitetar som fordrar samarbeid.

Dei dyktige guidane våre tilbreder maten over open eld. Vi kan servere nesten kva som helst, men vi anbefaler grilla kjøt med grøn salat, potetsalat og pastasalat. Som dessert serverer vi vanlegvis ein nydeleg heimelaga fruktsalat.

Villmarksleiren kan nyttast som eit ettermiddags- eller kveldsarrangement, men det er også triveleg å overnatte her. I så fall serverer vi ein kraftig tømmermannsfrukost neste dag. Vi har fire lavvoar som kvar tek 10-20 personar. Trykk på biletet over for fleir samarbeidstreningbilete!

I periodane mai/juni og august/september arrangerer vi på vekedagar turar for skulegrupper til kraftig redusert pris. Basispakken er eit todagars opplegg som inkluderer overnatting i villmarksleiren med alle måltid, rappellering, hinderløype og rafting. Pakken kan sjølvsagt byggast ut med fleire overnattingar og aktivitetar. Be om tilbod!

Vi har 5 køyretøy – 4 minibussar og ein 36-seters buss – dvs at vi har kapasitet til transportere over hundre personar i slengen.

I samarbeid med hotella på Voss og ulike transportselskap tilbyr vi komplette pakkar med aktivitetar, overnatting, mat, konferansefasilitetar og transport, nesten uansett størrelsen på gruppa.