Utstyrt med truger og hovudlykt går vi langs snødekte stiar i området rundt Voss.

Truger er ein morosam og spennande måte å utforske naturen på. Når dagslyset svinn og solnedgangen falmar mot mørke kjem alle slags dyr fram for å jakte på mat.

Vi kjem ofte over spor etter hjort eller elg, og er vi heldig kan vi sjå auga deira skine i mørket. Om vi ikkje er så heldige kan vi kanskje kome over det sjeldne norske trollet!

I løpet av turen stoppar vi for å varme oss med kaffi og gløgg rundt bålet.

Dette er ein super aktivitet for familiar eller grupper som vil strekkje på beina og gjere noko anna enn å stå på ski. Trugeturen kan sjølvsagt inngå som ein del av ei pakke, med middag i Årestova og utandørs boblebad og badstove. Ei perfekt ramme rundt eit kvart arrangement!